Пилето ми пее рано на сабајле
рано на сабајле рано пред зора.
Па ми ја буди младата невеста,
младата невеста рано да стане.

Стани ми стани ти млада невесто,
стани ми стани коња да спремаш.
На пат ќе одам пуста туѓина,
пуста туѓина многу далеку.

Рачај, порачај ти млада невесто,
рачај, порачај што да ти купам.
Дали писмо сакаш или пари сакаш
ил' ме мене сакаш дома да дојдам?

Ниту писмо сакам ниту пари сакам,
тук' те тебе сакам дома да дојдеш.
Писмото се кине, парите се трошат,
а љубовта трае вечно до гроба.