Ovo van je storija o Nadalini


more bit da vi znate Nadalinu, a


sva puca od lipote


a jema je da van pravo recen ca i vidit


smantala bi ona i vecega muskardina


a di nece vakega karonju ka ca san ja


a najskoli kad pere noge u dvoru, ajme



Kad Nadalina noge toca


srid dvora u mastilu


jo ke beleca ke finoca


insempja mladost cilu




Svi gledadu u noge bile


uz bacve karatile


jer slaja je od zrilog voca


kad Nadalina noge toca




Ref.


Nadalina, Nadalina


da si moja Nadalina


jemala bi muskardina


Nadalina, Nadalina




Joj da mi je onoga slatkoga od feste


rozadi, galetini, mandulati, torte, krokanti


ni nista slaje od slatkoga


more bit da je samo slaja Nadalina


cili dvor zamirise i poludi kad ona pravi slatko, ajme




Kad Nadalina misi slatko


u dane isprid feste


jo da je vidin bar na kratko


ca skriva ispod veste




Jer slatka je ka cukar fini


dok leti po kuzini


i rado bi je jema svatko


kad Nadalina misi slatko




Ref.




Jaja se to cili svit zna


moredu spravljat na mali milijun nacin


i u sorbulu i na joko i sirova


a moze ih se i u tvrdo i u meko i u gusto i u ritko


i sa svon mogucon spizon mutit


al' kad Nadalina muti jaja, kad ih batije


to vam je prava festa od jaj, ajme




Kad Nadalina muti jaja


zamuti pamet svima


i svakim danom sve je slaja


ka gucaj dobrog vina




Na sebi jema sve nalige


iz cacine butige


i svi je zelu bez rataja


kad Nadalina muti jaja




Ref.




Aj ca, vaja poc lec


finila je i ova


al' kad Nadalina gre lec


to pari ka da cvit pociva u cvicu




Ma da mi je koji put vidit


kako se ono uvucije u posteju


i kako sva zamirisi


noc zasvitli, cvrcci pocnu pismu


Nadalina, Nadalina




Kad Nadalina gasi svicu


kraj otvorenih skura


jer lito je i sve je u cvicu


a malo nocni ura




Pod ponistru kad momci stanu


i napravu galamu


da pozele joj pismon sricu


kad Nadalina gasi svicu




Ref.




Nadalina, Nadalina


bit ces moja Nadalina